ليش نحتفل بإنجازاتنا ؟ ليش الناس قادرة تستمر بالإنجازات ؟
احتفل بنفسك

مقال عن أهمية الاحتفال بالإنجازات حتى ولو كانت صغيييرة

تدري انه لازم تحتفل بنفسك ! لأن محد بيدعمك كثر نفسك مااحد يحس بالتعب مثل ماحسيته وانت الوحيد اللي قادر تعرف لذة الوصول تعال أوضح لك ليه لازم تحتفل !
ضروري تحتفل عشان ما توقف ضروري تعطي نفسك عشان تكمل سعي لأن هالشيء يعطيك حافز تسوي إنجازات ثانية تحتفل عشان تحس بقيمة ذاتك

ليه لازم تحتفل ؟
1- دافع للاستمرارية لإنجاز اكبر
2- الثقة الكبيرة بالنفس
3- تسعد نفسك تخيل ان هالشيء ماسواه الا انت خلك نرجسي مع نفسك ☺️ احتفل لأن الناس مو كلها قادرة تنجز وتسوي اللي سويته

تدري ان الاحتفال :
يزيد من ابداعك يزيد من تقديرك لنفسك تكبر في عينك وتقدر ذاتك احتفالاتك تغذي تقديرك لذاتك ! احتفالك بنفسك عشان تبقى اللحظة بذاكرتك وتكون مرجع سعيد وتفرح بها ماتنساها مهما كان وبرضوه حافز لك عشان تنجز أشياء ثانية وترجع تحتفل، الاحتفال عشان ماتوقف بنص الطريق الاحتفال مرات يكون الدافع عشان تكمل، الثريد هذا كتبته لاني سالت نفسي ليش لازم احتفل احتفلت بنفسي هنا وكنت مرة سعيد مع ان فيه ناس جتني وتكلمت وقالت تراه شي بسيط لكن هالشيء كبير بعيني

ختامًا احتفل بنفسك، تباهى باللي سويته لانك انت تستحق ذلك.