المقدمة
في هالمقالة بذكر 39 نصيحة لكل صانع او كاتب محتوى تساعدك في صناعة المحتوى ونشره وتبني براندك الشخصي بخطوات بسيطة وعملية! كلنا نسعى عشان نصير أفضل من يكتب محتوى الموضوع فقط يحتاج لزيادة قدراتك الإبداعية والتسويقية لانها المفتاح عشان تتميز في هذا المجال.
في عالم الكتابة والتسويق الرقمي فيه طرق كثيرة ونصائح كثيرة تقدر أنها تساعدك في تحسين مهاراتك وزيادة فرص نجاحك!
من التخطيط للمحتوى وكتابته وجدولته واختيار كلماتك المفتاحية اللي تجيب لك زيارات
في هالمقال ذكرت 39 نصيحة لكل صانع او كاتب محتوى تساعدك في صناعة المحتوى فـ انطلق في رحلتك لتطوير مهاراتك واستعد لبناء براندك الشخصي اللي يعلق بذهن كل شخص!
ركز في كل نقطة فهي من عصارة تجاربي وخبرتي في هالمجال! 39 نصيحة لكل صانع او كاتب محتوى
1- اكتب بطريقة مبسطة ومفهومة : في منصات التواصل الاجتماعي لا تكتب مصطلحات علمية او ما يفهمها البعض اكتب ببساطة
2- التحضير المسبق : سوا كان كتابة او صناعة محتوى تحتاج للتحضير المسبق له، وافضل طريقة فادتني انا احضر قبلها بأسبوع
3- دون أفكارك : كلنا عندنا مليون فكرة رهيبة نبي نسويها لكن نسيناها لان ما كتبناها لا تعتمد على ذاكرتك أبدًا
4- رتب محتواك : لا تكون عشوائي في المحتوى ساعة نشوفك تتكلم عن الكورة ساعة تتكلم عن الطبخ ساعة تتكلم الطقس، لا تشتت متابعينك بكثرة الاهتمامات
5- تابع محتواك : تابع التفاعل على محتواك ايش اكثر شيء جذب الناس ايش اكثر شيء صار فيه تفاعل ايش المحتوى القديم لكن الناس لازالت تتداوله
6- حسن محتواك : ايش المحتوى اللي كان له النصيب الاكبر من التفاعل اجعل محتواك القادم مشابهة له
7- حفز المتابعين يتفاعلون معك : قدم لهم شيء جديد يخليهم يشكرونك على اللي تسويه اطرح الاسئلة، تفاعل معهم
8- الجدولة : في بدايتي كنت ضد موضوع الجدولة
9- لا تستفز الناس : لا تستفزهم بمحتوى يخالف الاخلاق والقيم
10- اختيار الوقت المناسب للنشر : من اهم الأشياء اختيار الوقت المناسب للنشر، لا تنشر بشكل عشوائي الا ببدايتك فقط عشان تعرف افضل وقت لك
11- استمر في النشر : لا توقف أبدًا في النشر الاستمرارية بتخليك توصل للي تبيه
12- اعّد تدوير محتواك القديم : اذا مريت بفترة خمول وماقدرت تسوي شيء اعد نشر محتواك القديم
13- حلل الحسابات : حلل حسابات اللي سبقوك
– اسلوبه في الكتابة او صناعة المحتوى
– وقت النشر اللي ينشر فيه
– طريقة تفاعله مع الناس
– الناس ليه تتفاعل معه
واي شيء يلهمك من عندهم عشان تكون افضل منهم لكن لكن لكن لا تصير نسخة طبق الاصل منه
14- اذا كان هدفك تبيع سوا كان خدمات او منتج لاتبيع لي على طول اصنع لي محتوى اكتب لي قصة او فائدة خلني فعلًا احس اني محتاج اللي تقدمه بالعامي جيبها بلفة
15- اكتب باللهجة اللي تناسب متابعينك واعمارهم والافضل تكون لهجتك بيضاء
16- لاتنشر بشكل مزعج وازن في اللي تقدمه
17- احرص على كتابة البايو بشكل جذاب
- اختصر فيه قد ماتقدر
- لاتحط هاشتاقات او اي حساب ثاني
- اوصف نفسك واللي تقدمه ببساطه
- لاتكثر من الاهتمامات
- لاتكتب للناس وش تشجع ومين فنانك المفضل واي شيء يشتته
- اكتب عبارة تحفز ان الناس تتابعك
- طرق التواصل خليها بالرابط مو البايو
18- خلك متابع لكل جديد : كصانع او كاتب محتوى ضروري تكون مهتم بكل جديد سوا كانت برامج او ادوات او طرق
19- لاتصير مع الخيل ياشقراء : شفت احد نجح محتواه لاتروح تقلده
20- لا تسمم افكار ومعتقدات الناس افكارك ومعتقداتك لك انت فقط
21- استمتع باللي قاعد تسويه : اذا دخلت هالمجال وانت مجبر نفسك عليه، او مجرد حماس مؤقت ماراح تنجح صدقني
22- احتفظ بخصوصيتك : لاتدخل الناس بحياتك وامورك الشخصية لأنك بمجرد ماتفتح الباب هذا بيسحبك لأمور انت ماودك فيها
23- لاتجعل مواقع التواصل الاجتماعي تسرقك من نفسك لاتفقد ذاتك وارائك ومعتقداتك علشان التفاعل
24- دائمًا توقع الاقل : عادي جدًا تصنع محتوى وتتعب فيه ومايجيك تفاعل لكن لا توقف
25- افصل الواقع عن العالم الافتراضي اللي انت فيه
26- لا تشتري متابعين وهميين
27- انتبه من طلبات الاعلانات المشبوهة : اذا كتب لك ربي التوفيق والنجاح بتجيك طلبات اعلانات لمنصات غير مصرحة بالسعودية استشر قبل تعلن لشيء ماتعرفه
28- لاتصنع محتوى مايشبهك
29- في مواقع التواصل الاجتماعي كلها لاتدخل جدال مع اي احد
30- لاتقارن نفسك ب أي صانع محتوى ثاني
31- تفاعل مع اللي يتفاعلون معك لا تهملهم لأنك بدونهم ولاشيء
32- ضروري تأخذ فترة توقف فيها عشان تشحن نفسك وترجع اقوى
33- تابع نايف ثلاث مرات
34- لاتبحث عن الدعم وانت ماانت بقاعد تقدم شيء جديد او شيء له قيمة
35- لاتشوف نفسك اعلى من اي احد
36- عشان تبيع اي شيء في مواقع التواصل الاجتماعي احفظ نقطة رقم 11 و 14
37- اذا ربي رزقك التأثير على الناس لاتكذب عليهم، لاتنشر لهم وهم لاتأكل أموالهم بالباطل لاتستغل حاجتهم ولا تسمم افكارهم
38- لا تعارض متابعينك : اقترحوا عليك فكرة معينة وشفتها فعلًا تفيدك طبقها واشكرهم على اقتراحاتهم لك
39- لا تكون مكرر : لا تنسخ ولا تسرق ولا تقلد ابتكر المحتوى بنفسك