بطريق في اليد ولا عشرة على الشجرة !

كيف اتعلم التصميم ؟ كيف اتعلم كتابة المحتوى ؟ كيف اتعلم التسويق ؟ كيف اتعلم الموشن جرافيك ؟ كيف اتعلم البرمجة ؟ في زمن كثرت فيه مصادر التعلم بشكل يخوف مقال عن التشتت مرفق 9 نصائح تساعدك ما تتشتت للأسف كلنا كبرنا على مرحلة احد يوجهنا ويعلمنا طريقنا قبل كانوا اهالينا يوجهونا ويدلونا الطريق الحين دورنا نشوف طريقنا الخاص + حياة الكبار متعبة ارجع لقائمة اهداف السنة اللي كتبتها .. كم مهارة كتبتها تبي تتقنها ؟ كم كتاب تبي تقرأه ؟ كم هدف اصلًا كتبت ؟ كم أنجزت منها طيب ؟

أسباب التشتت :

وفرة المعلومات فالزمن هذا وسهولة الوصول لها، اننا نبي نكون افضل شخص فالعالم نبي نسبق العالم والناس كلها في فترة قصيرة كثرة التشتت جعلتنا سريعين الغضب ننفعل على اتفه الأمور افقدتنا قدرتنا على التحمل لـ ابسط الامور كلنا عندنا الرغبة في تطوير وتحسين انفسنا في كل مجال فالحياة ونكون فاهمينه نحاول نميز انفسنا، مطاردة اكثر من هدف بنفس الوقت إضاعة للوقت وسبب لضغط نفسي رهيب التشتت وقلة الإنتاجية وجهان لعملة واحدة.

عشان ماتشتت بحياتك هذي 9 نصائح من واقع تجربتي الخاصة :

1- تعلم شيء تحبه : تعلمك لمجال او مهارة تحبها تساعدك انك ما تغيرها وانك تستمتع فيها
2- اطرد المشتتات : اذا بديت بالتعلم اطرد المشتتات حولك واقصد المشتت الكبير بحياتنا ” الجوال ” قفل الاشعارات والتنبيهات تخلص من اللي ماتحتاجه ” برامج – نوافذ فالمتصفح – ايميلات “
3- تعدد المهام كذبة : انجاز اكثر من شغلة بوقت واحد يشتتك ويضعفك، لانك بتوزع جهدك وتركيزك بكذا مكان غير جهد التنقل بين المهام قوله تعالى : ( مَّا جَعَلَ اللَّهُ لِرَجُلٍ مِّن قَلْبَيْنِ فِي جَوْفِهِ ) سورة الأحزاب آية 4
4- الاستمرارية : مافيه شيء بتتعلمه بيوم مافيه مهارة بتتقنها بشهر
5- لاتضغط على نفسك : ” الضغط يولد الانفجار ” قانون فيزيائي لاتضغط على نفسك عشان ما تمل
6- الخطة : الطريق اللي بتمشي معه الخطوات اللي تسويها معرفتها بتسهل عليك وبتخليك تركز وماتشتت
7- تخصيص وقت معيين : اختيار وقت معيين للممارسة بداية ونهاية، واختيار الأيام اللي تمارسها فيها
8- لاتتوقع تنجح بسرعة لاتتوقع انك بتنجح من اول تجربة لاتتوقع ان الموضوع بيكون سهل
9- لا تنتقل : اذا بديت بمهارة او مهمة لاتنتقل لغيرها الا اذا خلصتها او اتقتنها

ختامًا .. تقبل حقيقة عدم قدرتك على انجاز كل شيء .. ركز على هدف واحد ولا تقعد تطارد 7 اهداف كم هدف كتبته بقائمة اهدافك لسنة 2022 ؟ كم حققت منها يامتشتت ؟