نايف ثلاث مرات

ليه لازم ترتاح ؟

ليه دايم يقولون ” اخرج من منطقة الراحة ” ؟ ليه مافيه احد يقول ” ادخل لمنطقة الراحة ” ؟ تدري اذا ما ارتحت تنخفض مقدرتك على انجاز ابسط الأمور ومهما تسوي من إنجازات راح تحس فيها نقص او عيب او مشكلة تذكر ان الاشغال ماعمرها تخلص .. كأنك تحفر حفرة وكل شوي قاعده تكبر الحفرة وفجأة انت ببير وماتقدر تطلع منه الا بمساعدة هذا هو الاحتراق الوظيفي باختصار .. كلنا وصلنا لمرحلة ودنا يكون اليوم اكثر من 24 ساعة عشان نخلص وننجز اكثر، لكن نسينا انفسنا وصحتنا ! لكن هل تقدر تشتغل وانت خسران صحتك النفسية او الجسدية ؟ قلق دائم هذي حياتك وروتينك ويومك لانك قاعد تجهد جسدك وعقلك لانك تحت ضغوطات العمل والانجاز، كثرة التسويف والتأجيل من وجهه نظري من احد أسبابها ضغط العمل و تراكم المهام جبل كبير وقاعد يكبر يوم ورى يوم،

ليه ضروري نرتاح ؟ لانك مو روبوت

ثانيًا لانه علاج لضعف التركيز وتشتت الانتباه ويحفظك من الاحتراق الوظيفي، المقال هذا موجه لكل شخص تعب وكافح خلال حياته لكل شخص فقد لذة النوم بدون منبه وحاب اقول لك خذ لك بريك ياروبوت واجازة نهاية اسبوع سعيدة ونيابة عن جميع سكان كوكب الارض نشكرك على دفعك لعجلة التنمية لكن ارتاح وارجع لمنطقة الراحة عشان ترجع تحرك العجلة بسرعة وبقوة وبتركيز اما الاخوان اللي عندهم فراغ ووقت كبير ويبغون يبنون عادات جديدة او اكتساب مهارة انصحكم من كل قلبي بقراءة هذا المقال
ختامًا سؤالي لكل شخص قال : ” اخرج من منطقة الراحة ” متى نرجع طيب ؟

Scroll to Top