ليه نخاف من البدايات والتغيير ؟
نخاف اننا نفشل .. ونخاف من انتقاد الناس لنا و ايش بعد يا ضعيف الإرادة ؟
مقال عن فوبيا البدايات .. مرفق 8 طرق تساعدك تبدأ وتنجز
تدري ليه نخاف من الأشياء الجديدة ؟ لان الخوف يحسسنا بالأمان منها، وعلى فكرة الناس منتقدتك منتقدتك سوا سويت شيء او ما سويت شيء ! طبيعة الناس تحب التشره والتنقد يعني تطمن.
ايلون ماسك .. اغنى مخلوق على كوكب الأرض قالوا عنه مجنون وعليه قل صحه ايلون الان فوق انه اغنى شخص اكثر شخص مؤثر بالعام !
جاك ما مؤسس علي بابا اكثر من 50 وظيفة رفضته !! الان جاك ما اغنى شخص فالصين كلها
ميسي افضل لاعب فالتاريخ قالوا عنه قصير وجسمه هزيل ماينفع، كريستيانو رونالدو ثاني افضل لاعب بالنسبة لي كان مريض قلب!!
اديسون اكثر واحد اضرب فيه امثله فشل 10 الاف مرة وصامل وسوا اللي براسه وسوا هدفه!!
رغم الانتقاد والتجريح اللي وصلهم لكن خلدوا أسمائهم للتاريخ، ما اهتموا بكلام الناس ما اهتموا بالنقد والتجريح ما اهتموا بتكسير المجاديف آمنوا بأنفسهم فقط ونجحوا 👁
النقاط اللي بذكرها ادناه مطبقها على نفسي وفعلًا أثرت فيني وخلتني ابدأ :
1- الثقة بالنفس : اؤمن بنفسك انك قادر تسوي هالشيء اؤمن بقدراتك اؤمن بكل امكانيتك ماينقصك شيء ابدًا عن أي شخص ثاني
2- النية : انك تنوي تمشي فالطريق ولا شيء بيمنعك منه
3- جرب جرب جرب : لا تقتنع انك بتفشل وانت ما جربت لا تقتنع بالخسارة وانت ما جربت لا تقتنع انك ما تقدر وانت ما جربت
4- وضع خطة ومسار : لاتبدأ وانت جاهل الطريق ابحث وخطط وارسم طريقك عشان تكون على علم باللي بتواجهه
5- ابتعد عن الناس السلبية : اللي كل شيء يحطمونه وكل ناجح يحاربونه وكل أفكار جديدة يهدمونها
6- خلك جاهز للمشاكل : توقع حصول الأخطاء والمشاكل توقع الصعوبة توقع الضعف لكن تذكر اديسون .. كم مرة حاول الين وصل للحل !
7- اقرأ فالسير الذاتية للناجحين اقرأ في تجارب الناس ممن سبقوك سوا في مجالك او مجالات أخرى
8- كافئ نفسك : ليه نحتاج نكافئ انفسنا ؟ الجواب بـ المقال هذا
على فكرة مافيه شيء اسمه وقت مناسب واسألني انا
راح عمري انتظر الوقت المناسب 🤛🏼🤜🏼
— نايف ثلاث مرات 🐋 (@NaifCubed) December 24, 2021
بسم الله الرحمن الرحيم 👓
اول تغريدة بحسابي كتبت ” راح عمري وانا انتظر الوقت المناسب ” واضح قد ايش اني كنت متحسف وندمان ؟ تحسفت اني متأخر بأشياء كثيرة بحياتي .. لكن كسرت حاجز الخوف وبديت والموضوع كان تافه جدًا ! مع اني ماكنت متوقع اني بوصل للشيء اللي انا فيه بالوقت القصير هذا اللي كان يخفف علي موضوع التأخير وجلد الذات اللي بداخلي!
قصة مؤسس كنتاكي فتح المطعم وعمره فوق 60 الحمدلله يعني سويت الشيء اللي بخاطري قبله 😀
ختامًا .. وش اسوء شيء بيصير لو فشلت ؟ هل هو مستاهل انك ماتجرب ؟ اعرف قيمة نفسك اعرف من تكون 🧡..
السبب اللي خلاني اكتب هـ المقال التغريدة ادناه، واغلب الأجوبة كانت تتعذر بـ اعذار تحسسهم بالأمان
🦦 : ليه مابديت ؟
— نايف ثلاث مرات 🐋 (@NaifCubed) June 4, 2022
🗣: اخاف من الخسارة، اخاف مااكون
كويس في هالمجال واضيع وقتي !
محادثة حصلت بيني
وبين شخص عزيز جدًا
ايش ردكم لانه بيقرأ هالتغريدة 🦦 ؟