موهوب بشغلة معينة لكن ماتقدر تستمر فيها ؟
تفقد شغفك وحماسك بسرعة ؟
مقال عن الاستمرارية والالتزام 8 طرق تساعدك على الاستمرارية وتحقيق اهدافك
تحاول تبني عادة لكن ماتقدر تستمر ؟ تحاول تحاول تحاول لكن ماتقدر تمارسها بشكل دوري وتوقف بعد فترة قصيرة ! مافي احد مستمر طول السنة كلنا نوقف فجأة ينطفئ الحماس اللي داخلنا، مشكلتنا اننا نقنع نفسنا اننا مانقدر نكمل واننا فاشلين ونوقف الحياة ماتمنعك انك ماتستمر انت اللي تمنع نفسك من الاستمرار ولا كم مرة قررت انك تبدأ ثم توقف ثم ترجع تبدأ ؟ كم مرة جاوبني ؟ محاولاتنا المتكررة هذي هي اللي بتبني هي نتيجة تراكمات.
أنا لم أفشل، أنا بكل بساطة وجدت 10000 طريقة لا يعمل بها المصباح
توماس اديسون
اديسون مخترع الإضاءة فشل عشر الاف مرة وكل مرة كان يتعلم من فشله وأخطائه لو اديسون مارجع بكل مرة يجرب ويحاول رغم انه فشل كثير، كان للحين نمشي بفوانيس وشموع.
تعريف الاستمرارية بشكل مختصر :
” هي الالتزام بعادة بشكل دوري “
الاستمرارية سر النجاح، سبب ان كل شخص ناجح بمجاله طبق اللي تعلمه كثير ومشى على خطة وتعدى كل الناس لانه كان يطبق هالشيء ولا استسلم للتشتيت ولا الفشل
ليش دايم نفشل فالاستمرار ؟
لأننا نركز على النتيجة النهائية ونبيها تصير فااسرع وقت لكن الفكرة بالنجاح والاستمرارية هي فالخطوات الصغيرة
أحيانًا الخطوات الصغيرة للطريق الصحيح تنتهي بك لأكبر خطوة في حياتك، لذلك اخطو باستمرار نحو طريق نجاحك ولو كان صغيرًا
ليش دايم نفشل فالاستمرار ؟
8 خطوات اسويها وساعدتني استمر في كل مشاريعي واموري
- ابدأ بشكل بسيط > مااضغط على نفسي ولااتوقع النتائج الكبيرة تجيني من اول شهر، ولا اخذ اكثر من ساعة في اليوم لبناء العادة.
- بناء جدول وخطة > ارسم طريقي واعرف رايح لوين ” ايش العادة – ايام الممارسة – كم ساعة باليوم – ايش الطرق والمصادر اللي بتساعدني اتعلمها ” .
- أسال نفسي > ليه ابي ابني هالعادة ؟ + ايش ابي اوصل له ؟ + ايش هدفي النهائي ؟ + وين بكون بعد 5 سنين ؟
- صاحب المجتمع اللي يشبهك > الناس اللي تبي تبني نفس العادة الناس اللي عندها نفس هدفك هالشيء يكون له دافع كبير للاستمرارية.
- لاتضغط على نفسك > لاتحط نفسك تحت ضغط لاتقارن نفسك بااحد انصحك من كل قلبي. هنا كتبت مقالة بتساعدك في ذلك
- اخذ فترة اجازة > اذا حسيت بملل او طفشت وقف يوم او يومين لكن لاتكون المدة طويلة عشان ماتسبب لك ضغط وتكرهها
- وجود المحفز > شجع نفسك وادعمها حط لنفسك مكافئات ومحفزات عشان تكون متحمس لها – مقالة عن أهمية المحفزات
- الاستمرار بالمحاولة > مافيه شيء يجي بالسهل تذكر ان كل عمارة بدايتها طوبة وحدة 🧱 واخذت وقت وجهد علشان توصل لـ هالحجم.
لقد كرهت كل لحظة من التمرين لكني كنت أقول لنفسي : اتعب الان وعش باقي حياتك بطل
محمـد علي كلاي
واجب عليك تؤمن بنفسك عشان توصل الى أهدافك، الإيمان بنفسك هو مفتاح الاستمرارية هو مفتاح تحقيق اهدافك ايمانك بنفسك يخليك توصل للمكان اللي تحسه مناسب لك ويشابه حلمك وطموحك كل ماحسيت انك ماتقدر تتحرك او تتقدم تذكر الـ 8 خطوات لانها ماجت من يوم وليلة جت بحكم التجارب والوقت لين وصلت لها، وتذكر حدد هدفك وقسمه الى خطوات صغيرة كيف تسويه ومتى اكتب خطتك على ورق نفذها بالتدرج وضع لها وقت معين تتقيد فيه تتلزم فيه ماتسمح للتنازل والمساومة في الوقت اللي بيساعدك على تحقيق حلمك
كافح نفسك وذاتك كافح الملذات والملهيات كافح المشتتات كافح السوشل ميديا كافح اللذات المؤقتة كافح الطلعات من غير لازم كافح التجمعات اللي ماتستفيد منها كافح جلسات السوالف اللي ماتضيف لك ولا واحد بالميه، اذا قدرت عليها وكافحتها صدقني بتستمر وتوصل للي تبي لانك فعلًا قدرت تتغلب على كل شيء يشتتك كل شيء يمنعك من الاستمرارية للوصول.
حتى لو فشلت حتى لو ماقدرت ارجع من جديد وتذكر مااحد مسؤول عن مستقبلك مااحد يهمك اجتهادك مااحد يهمك اهدافك، العموم فقط بيصفق لك في نهاية مشوارك العموم بيصفق لك اذا وصلت وينبهرون منك وكيف قدرت تسويها !
وتذكر مادامك تؤمن بنفسك وبقوتك وبذاتك صدقني بتوصل لكن فقط استمر بالمداومة على بناء العادة
اجتهد لـ الحلم و لكل مجتهد ٍنصيب ولا خلّك تنتظر وش تجيب لْك الصُدف حقق احلامك لو الحظ و الواقع كئيب ولا تراخى لين تاقف على باب الهدف مااحدٍ جاته حياته بـعفويه وطيب جات بالجهد المضاعف وملعنة الجدف
ختامًا عندي قناعة داخلية انه فيه أفكار كثير رهيبة وكانت بتغير الكون لكن دفناها لأننا ما استمرينا حاول حاول حاول