كم مرة بحياتك سمعت من الأشخاص اللي تعدهم قريبين منك ماتقدر ؟ ماراح تنجح ؟ بتفشل ؟ هالشيء صعب .. مالك ومال وجع الرأس ! اذا كل يوم تسمع هالكلام اذا كل يوم تنكسر مجاديفك اذا كل يوم يحطمونك أسأل نفسك : هل انا فالمكان الصحيح ؟ اذا محيطك مايقدر احلامك واهدافك اذا محيطك مايدعمك ويشجعك انت فالمكان الخطأ ! اذا هم سلبين انت سلبي اذا هم محطمين ماراح تنجز بحياتك شيء!
” تحرك أنت مو شجرة “
بيئتك اكبر مؤثر لك في حياتك هي اللي تغذي عقلك وافكارك هي اللي تبنيك وتصنعك وتدعمك البيئة السلبية بيئة ضغوطات البيئة السلبية بيئة امراض نفسية البيئة السلبية تسبب لك نقص في ثقتك بنفسك ! لاتجامل على حساب نفسك ومستقبلك اللي يحطمك ويكسر مجاديفك مو كفو يكون بحياتك ! اشبه البيئة السلبية بالإعصار كل السلبين بداخله وقاعدين يدورون الى مالا نهاية وكل كلامهم تحطيم وتشاؤم الخروج منه صعب جدًا ! لان اللي بداخله اما يكونون أصدقاء او أقرباء لكن بمجرد خروجك منه .. تتوسع مداركك وتنطلق لأهدافك البيئة اللي حولك مرايتك أنت تعكس تصرفاتهم وافكارهم وهم كذلك اذا هم ناجحين انت ناجح اذا هم محطمين انت مثلهم.
نصائح تساعدك تغيير بيئتك :
1- لاتسمح لـ أي شخص يحطمك ويسلب منك حق انك تبي تنجح
2- ابتعد عن الأفكار السلبية
3- صاحب الايجابيين في حياتك
4- لا تجالس المحطمين ولا تستمع لشكواهم اكثر نقطة اذكرها بتغريداتي والثريدات نقطة البيئة اللي حولك .. لأني بمجرد غيرتها تغيرت حياتي كثير هي النقطة الفارقة اللي كانت بحياتي هي اللي غيرتني وصنعت نايف ورفعت ثقتي بنفسي، وعلمتني مين أكون ومين نايف وايش قدراتي .
ختامًا .. هل تبي تقضي عمرك كله وانت ماسويت شيء ؟ هل تبي يروح عمرك كله وانت ماانجزت شيء ؟ المقال كان نصيحة محب واخ شيء سويته وكان صعب علي لكن كانت نقطة انطلاقي للحياة لأني كنت في غفلة .
أقرا عن أثر الكلمة الطيبة