كثرة الإيجابية شعور زائف ! كثرة الإيجابية مرض ! لاتكذب على نفسك 🙂 مقال عن الإيجابية الزائفة ” اضرارها – وكيف نتجنبها “
كثر السؤال علي بالخاص ” كيف اصير ايجابي 24 ساعة ؟ ” ناقشت اغلب من سألني بناءًا على ايش قلتوا هالكلام ؟ اكشتفت انه يشوف الناس تتكلم من شروق الشمس لغروبها عن الايجابية وكيف تكون متفائل، هالشيء خطأ الحياة مو وردية الحياة فيها تعب ومشقة والناس بمجرد انها تشوف غيرها بس تتكلم بالإيجابية وانهم نجحوا بسهولة .. يجي ببالهم ان الوضع سهل وتنصدم بعدين ان الموضوع مو سهل الإيجابية بعض الأحيان سامة ومرض وتسبب قلق وامراض نفسية ايش هي الإيجابية الزائفة ؟ نكران وتقليل من حق مشاعر الحزن والخيبة والألم وتحويلها الى سعادة وتفاؤل مرت عليك مصيبة او مشكلة غذيت نفسك بعبارات إيجابية ” لاتستلم – كن قويًا – لن تنهزم – انت تستطيع ” غذيت نفسك بـ هالعبارات وانت داخليًا في حالة حزن وانكسار انت قاعد تسمم نفسك وعقلك قاعد تأخذ نفسك لمكان موحش ومظلم.
التوازن مطلب مهم!
التوازن مطلب مهم فيه كثير امور ايجابية حولنا وبرضوه فيه كثير امور سلبية لاتجبر نفسك على الإيجابية ولاتجبر نفسك على السلبية لاتقارن حياتك بحياة احد ! لازم تفهم ان ظروف الناس مو زي بعض .. طريقنا موب زي بعضنا نختلف بكل شيء المقارنة تضعفك ترى مافيه مشكلة تتحلطم وتزعل وتضايق نفسك طبيعي جدًا ! تعامل مع شعورك السلبي وتعايش معه، لا تكذب على نفسك وتقنع نفسك انك ايجابي وكل ماحسيت بسلبية رحت غذيت نفسك ب ايجابية ❌، لاتطالع لحياة الناس الناس تظهر لك فقط الاشياء الكويسة مااحد يحب ينشر ضعفه ومشاكله مااحد ينشر همومه وانكسارته، لاتبالغ في قراءة الاقتباسات الإيجابية.
ختامًا كل اللي تشوفه بمواقع التواصل الاجتماعي زائف مافيه احد ايجابي 24 ساعة مافيه احد حياته وردية كل يوم ” انت تستطيع – لاتستلم ” مجرد مسكنات بيضرك بعدين !
الحياة موب وردية
— نايف ثلاث مرات 🐋 (@NaifCubed) February 8, 2022
الحياة موب سهلة
الحياة بتمغطك وتجلدك
لكن اللي عليك ..
خلك جاهز ومبتسم 🙂
عشان تتخطى وتتجاوز
وتبدأ من جديد